Twee onbekende liggame op N3 naby Harrismith gevind
Twee onbekende liggame is op die N3-hoofweg naby Harrismith gevind nadat hulle voertuig glo betrokke was in ‘n ongeluk.
Die polisie sê twee onbekende liggame is op die N3-hoofweg naby Harrismith gevind nadat hulle voertuig glo betrokke was in ‘n ongeluk.
DIE LIGGAME IS VRYDAG OP DIE N3 NABY HARRISMITH GEVIND
Die liggame van twee mans is langs die pad gevind nadat hulle tydens ‘n ongeluk uit hul motor geslinger is.
Volgens polisie woordvoerder adjunk offisier Mmako Mophiring word daar beweer dat die bestuurder van ‘n vragmotor op 19 April omstreeks 04:30 ‘n ander vragmotor verbygesteek het wat in die stadige baan gery het.
DIE TWEE MANS IS GLO UIT HUL MOTOR GESLINGER TYDENS DIE ONGELUK
“Terwyl hy die motor verbygesteek het, het dit teen ‘n swart Citroen-sedan met ‘n GP-registrasie gebots wat stilgestaan het in die middel van die pad. Die sedan is getref, van die pad geslinger en in ‘n sloot langs die pad beland.”
Lees ook: Kyk: Skrikwekkende beeldmateriaal van dronkbestuurder op die R516
DIE POLISIE ONDERSOEK DIE VOORVAL
Mophiring sê die twee onbekende mans is op slag op die toneel dood.
Die polisie ondersoek ‘n saak van strafbare manslag.
HET JY ENIGE INLIGTING WAT DIE POLISIE KAN HELP?
Enige persoon met inligting oor hul naasbestaandes moet Harrismith-speurder, luitenant-kolonel Sandile Maphalala 082 854 7542 kontak.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
