![Checkers-afleweringsman beroof](https://diesuid-afrikaner.com/wp-content/uploads/2024/02/VectorElegatJewellers-1024x725.jpg)
Video: Checkers Sixty60-afleweringsman word met vuurwapen beroof
Kyk hoe ‘n Checkers Sixty60-afleweringsman onlangs met ‘n vuurwapen buite ‘n huis beroof is. Hier is die video.
![Checkers-afleweringsman beroof](https://diesuid-afrikaner.com/wp-content/uploads/2024/02/VectorElegatJewellers.jpg)
‘n Video van ‘n Checkers Sixty60-afleweringsman wat onlangs met ‘n vuurwapen van kruideniersware beroof is buite ‘n huis, is wyd verprei op die sosiale media.
In die video kan gesien word hoe ‘n Checkers Sixty60-afleweraar buite ‘n huis wag.
Dit lyk of hy besig is om te SMS toe twee gewapende mans skielik van agter kom aanhardloop.
Hulle gryp sy foon en sleutels voor hulle die inkopiesakke agter op die fiets steel.
Nog ‘n man, wat soos ‘n verbyganger lyk, hardloop ook nader en gryp twee sakke.
Gelukkig is die motorfietsryer nie in die voorval beseer nie.
Dit is nog nie duidelik waar in Suid-Afrika die voorval gebeur het nie.
KYK DIE VIDEO:
’n Woordvoerder van die Shoprite/Checkers-groep het Woensdag gesê hulle is bewus van die voorval.
“Checkers Sixty60 is bewus van die voorval en dankbaar dat niemand tydens die rooftog beseer is nie.”
Verder het hulle gesê die maatskappy het die bestuurder traumaberading aangebied en sal sy selfoon vervang.
Volgens die maatskappy is die kliënt gekontak en Sixty60 sal die kliënt se rekening krediteer vir die kruideniersware, insluitend die afleweringsfooi.
“Ons veroordeel sulke dade van misdaad, wat uiteindelik die veiligheid van ons kliënte, werknemers en afleweringsvennote in gevaar stel,”
het die maatskappy gesê.
Hulle doen ‘n beroep op die publiek om die blitslyn op 0800 118 879 te kontak indien inligting oor sulke misdade beskikbaar is.
LEES VOLGENDE: Jenny van Dyk word as nuwe Protea-netbalafrigter aangestel
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.