Vyfjarige seuntjie deur dwaalkoeël getref
ʼn Vyfjarige seuntjie van Musina in Limpopo is in die hospitaal nadat hy Saterdag deur ʼn dwaalkoeël getref is terwyl hy geslaap het.
ʼn Vyfjarige seuntjie van Musina in Limpopo is in die hospitaal nadat hy Saterdag deur ʼn dwaalkoeël getref.
DIE SEUNTJIE HET OP DIE BANK GELê EN SLAAP TOE DIE DWAALKOEëL HOM TREF
Volgens polisiewoordvoerder Kol. Malesela Ledwaba het die seuntjie het op die bank gelê en slaap toe die dwaalkoeël deur die dak van hul huis in die Matswale-nedersetting geskiet is en hom getref het.
Die polisie probeer nog vasstel waar die dwaalkoeël vandaan gekom het.
Lees ook: Ses sterf in Bosbokrand ongeluk
SY BOETIE HET BESEF HY IS GESKIET TO HY HOM GAAN HAAL HET OM IN DIE BED TE KLIM
“Die kind het voor die televisie aan die slaap geraak. Sy ouer boetie het besef hy is geskiet toe hy hom gaan haal het om in die bed te klim,” het Ledwaba gesê.
“Die boetie het hul ouma wakker gemaak en die kind is dadelik na ʼn hospitaal geneem waar hy tans behandeling ontvang.”
DIE POLISIE ONDERSOEK TANS DIE SAAK
Die polisie ondersoek tans ʼn saak van poging tot moord in dié verband. ʼn Saak van huisroof word ook ondersoek wat Vrydagaand in dieselfde omgewing plaasgevind het.
In dié voorval is ʼn 17-jarige seun deur rowers oorval. Drie onbekende vroue het omstreeks 19:00 aan die deur van die betrokke huurhuis geklop en aangedring om met die eienaar van die huis te praat.
Die tienerseun het ʼn WhatsApp-boodskap aan die eienaar gestuur, maar kon hom nie in die hande kry nie.
TWEE MANS HET DIT REGGEKRY OM DIE VEILIGHEIDSHEK OOP TE DWING
Die vroue het skielik probeer om die veiligheidshek oop te dwing, maar dit was gesluit.
Twee mans het egter kort daarna verskyn en dit reggekry om die veiligheidshek oop te breek.
“Binne die huis het hulle die tiener op die grond vasgedruk terwyl die vroue ʼn televisie gesteel het.”
Die verdagtes het daarna gevlug en die saak is by die polisie aangemeld.
Ondersoeke duur tans voort.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
