Dokter tydens ʼn gewapende rooftog in praktyk doodgeskiet

‘n Geliefde dokter is tydens ʼn gewapende rooftog in sy Dobsonville praktyk doodgeskiet.

DOKTER TYDENS ‘N GEWAPENDE ROOFTOG IN PRAKTYK DOODGESKIET

Dr. Michael Isabelle is Saterdag in sy praktyk in Dobsonville, Soweto, doodgeskiet.

Volgens die polisie woordvoerder Kol. Dimakatso Nevhuhulwi het drie verdagtes by die praktyk opgedaag en voorgegee dat hulle mediese bystand vir ʼn vriend benodig.

Nadat die ontvangsdame hulle in die spreekkamer ingelaat het, het hulle die dokter geskiet. Die verdagtes het met twee selfone van die toneel gevlug.

DIE DRIE VERDAGTES HET VOORGEGEE DAT HULLE MEDIESE BYSTAND NODIG HET

Isabelle is na ʼn hospitaal geneem waar hy die volgende dag aan sy beserings beswyk het.

Nevhuhulwi het Donderdag gesê niemand is nog in hegtenis geneem in verband met die voorval nie.

Die komitee oor gemeenskapsveiligheid in die Gautengse wetgewer het die moord op Isabelle veroordeel en as “onaanvaarbaar en betreurenswaardig” bestempel.

DR. MICHAEL ISABELLE IS SONDAG IN DIE HOSPITAAL OORLEDE

“Dit is baie kommerwekkend dat hy sy lewe verloor het bloot omdat hy geweier het om sy skootrekenaar en fone aan die verdagtes oor te gee.

“Hierdie hartverskeurende voorval dien as ʼn hartseer herinnering aan die diepgaande geweld wat ons gemeenskappe teister, met onskuldige individue wat die spit afbyt,”

het Bandile Masuku, komiteevoorsitter, gesê.

Volgens berigte laat Isabelle sy vrou en vier kinders agter.

Vroeër hierdie maand is ʼn boervrou is op haar plaas in die Wasbank-omgewing in KwaZulu-Natal aangeval terwyl haar man in die kerk was.