Drie sterf toe vliegtuig by huis neerstort

Drie mense is dood toe ʼn vliegtuig Vrydag in Windhoek, Namibië, kort ná opstyging neergestort het.

DIE ONGELUK HET VRYDAG PLAASGEVIND

Luidens ʼn verklaring van Westair Aviation, het die vliegtuig, ʼn Westair AF 406, op ʼn instandhoudingstoetsvlug met twee vlieëniers en een werktuigkundige aan boord van die Eros-lughawe vertrek voordat dit kort daarna neergestort het en aan die brand geslaan het. 

Die ongeluk het Vrydag net na 17:00 in ʼn residensiële gebied in Rieckmannstraat, Pioneers Park, plaasgevind.

DIE VLIEGTUIG HET IN ‘N RESIDENSIëLE GEBIED NEERGESTORT

Volgens Westair Aviation het “die katastrofiese gebeurtenis almal by die lugredery in rou gedompel”. 

“Eerstens gaan ons harte uit na die families, vriende en kollegas wat deur hierdie tragedie geraak is. Ons betuig ons innige simpatie aan hul geliefdes in hierdie moeilike tyd. 

“Die veiligheid en welstand van ons passasiers en bemanning is ons hoogste prioriteit, en ons is daartoe verbind om die presiese oorsaak van hierdie voorval te verstaan. 

“Ons sal in samewerking met lugvaartveiligheidskundiges en relevante owerhede ʼn omvattende ondersoek doen om te verseker dat alle nodige stappe gedoen word om te verhoed dat so ʼn voorval weer plaasvind.” 

het Westair Aviation gesê.

‘N OMVATTENDE ONDERSIEK SAL GEDOEN WORD OM TE VERHOED DAT SO’N VOORVAL WEER PLAASVIND

Hoofinspekteur Elifas Kuwinga van die Namibiese-polisie het glo vir die media gesê die oorledenes onherkenbaar verbrand. 

In ander nuus, het die polisie op drie ontbinde liggame van ʼn stil gesin – asook die ontbinde liggame van hul honde – by Suikerbosstraat in Gholfpark afgekom het. 

Volgens polisiewoordvoerder konstabel Tlaleng Moloi, is die polisie verlede maand na bogenoemde adres ontbied nadat bure glo oor onaangename reuke en massas vlieë in die buurt begin kla het.