AB de Villiers deel van hoofkommentaar van Betway SA20

’n Sterrestelsel van internasionaal bekende voormalige krieketspelers van die Engelse legende Stuart Broad , tot die Indiese groot Ravi Shastri en die Suid-Afrikaanse ikoon AB de Villiers , gaan kundige ontledings aanbied tydens die tweede uitgawe van Betway SA20 wat op 10 Januarie 2024 begin.

LEES OOK: Proteas se draaiboulers maak vordering in ICC T20I

Die kompetisie sal ook die terugkeer huis wees van die Engelse Premierliga-aanbieder en -anker, Julia Stuart , sowel as die joernalis Melissa Reddy om die pronkgeleentheid te dek.

Vars van die voorste SuperSport se dekking van die Wêreldbeker-rugbytoernooi, bring Motshidisi Mohono haar kundigheid en charisma na die wedstryddag-uitsending.

Ander hoëprofiel-ontleders sluit in die SA-gebore voormalige Engelse meesterblaser Kevin Pietersen , die voormalige Protea T20-topgeweer Chris Morris en oud-Engelse internasionale Mark Butcher .

LEES OOK | Dean Elgar tree uit internasionale krieket

Na die sukses van die eerste kompetisie wat deur Sunrisers Oos-Kaap gewen is, het die Liga en SuperSport geen steen onaangeroer gelaat om te verseker dat aanhangers ‘n verbeterde, leersame en onvergeetlike ervaring tydens die kompetisie kry nie.   

“As SuperSport is ons baie opgewonde om ons gehoor ‘n holistiese kykervaring op sowel as van die veld af te bied,” het SuperSport se uitvoerende hoof, Rendani Ramovha, gesê.  

“Aanhangers by die stadion sal getrakteer word op wêreldklas-krieket, terwyl diegene wat die aksie via DStv Stream of op Premium gaan kyk, kundige ontleding van krieketlegendes sal kry.” 

Ander vaste gunstelinge wat ‘n terugkeer van Seisoen 1 maak, sluit in Mpumelelo “Pommie” Mbangwa , Mike Haysman , Mark Nicholas en Urooj Mumtaz .

LEES OOK: IPL: 15 Suid-Afrikaners om in 2024-toernooi te speel; VOLLEDIGE LYS

“Ons is verheug oor die kaliber kommentators en aanbieders wat ons aan boord het vir Seisoen 2 van Betway SA20,” het Ligakommissaris, Graeme Smith, gesê.

“Die Liga verstaan die belangrikheid daarvan om geloofwaardige stemme agter die mikrofoon te hê om ons storie te vertel. Die span wat ons saamgestel het, is kundig, passievol en verwant aan ons diverse SA20-gehoor, maar sal ook die nuwe gehore wat ons wil bereik boei. Van legendariese oud-spelers, gesoute kundiges wat plaaslik en internasionaal ’n merk maak, sal kykers betrek, opgevoed en vermaak word.”

Alle wedstryde sal regstreeks op SuperSport Krieket, DStv-kanaal 212 uitgesaai word met hoogtepunte beskikbaar op DStv Catch Up. Alle wedstryde sal in Engels, Afrikaans en isiXhosa-kommentaar beskikbaar wees. 

LEES OOK | Gibbs sê Reeza Hendricks moet speel ná “politiek” hom uitgehou het

BETWAY SA20 KOMMENTAAR LINE-UP

Mark Nicholas, Ravi Shastri, Kevin Pietersen, Mike Haysman, Mark Butcher, Stuart Broad, Urooj Mumtaz, Chris Morris, Shaun Pollock, Pommie Mbangwa, Vernon Philander, AB de Villiers, Ashwell Prince, Nikhil Uttamchandani, Melissa Reddy, Julia Stuart, Motshidisi Mohono