Kry die Curriebeker-skedule vir die naweek hier

Internasionale rugby keer die naweek terug met ‘n vol program, maar Curriebeker-aksie sal ook op ons skerms wees vir ‘n regte rugbyfees.

Die Curriebeker-premierafdeling begin op Vrydag, 5 Julie.

CURRIEBEKER-AKSIE DIE NAWEEK OP TV

Vrydagmiddag reis die geklopte finaliste van verlede seisoen, die Pumas, Kimberley toe om Griekwas van 15:00 af te pak.

Later die aand is die Haaie gasheer vir die Leeus op Kings Park met afskop geskeduleer vir 17:15.

Vrydag is daar ook internasionale wedstryde tussen Samoa en Italië asook Georgië wat Fidji aanbied.

SATERDAG

Afgesien van die volledige program van internasionale wedstryde Saterdag, sal daar ook een Curriebeker-wedstryd in die mengsel wees.

Dit is ‘n Vrystaat-derby aangesien die Cheetahs die Griffons in Bloemfontein ontvang in ‘n wedstryd wat om 13:30 afskop.

Natuurlik is daar groot internasionale wedstryde Saterdag met Nieu-Seeland wat Engeland, Australië die stryd aansê en Wallis en die Springbokke in die stryd teen Ierland.

SONDAG

Sondag word die Curriebeker se openingsnaweek afgerond met ‘n kragmeting tussen die twee suksesvolste spanne in die geskiedenis van die kompetisie.

Die Westelike Provinsie pak die Bulle vanaf 15:00 in die Kaapstad-stadion aan.

Die voormalige Westelike Provinsie staatmaker Nizaam Carr is aangewys as die Bulle se kaptein vir die Curriebeker.

BULLE SONDAG IN AKSIE

Hoofafrigter Phiwe Nomlomo sê ‘Nemo’ skep die perfekte balans tussen die jong en die meer ervare spelers in die groep.

“Wanneer jy kyk na die mengsel van die groep, het ons die jeug gemeng met ‘n paar ervare spelers en Nemo word die allerbelangrikste rat vir ons omdat hy met albei kante van die ouderdomsgroepe kan vereenselwig. As jy na die mengsel van ons leierskapgroep kyk, bring Nizaam ook ‘n afgemete balans, en ek is seker dat hulle gesamentlik die verantwoordelikhede oor die volgende paar weke sal deel,” het Nomlomo gesê.

“Hy is ook ‘n speler wat ons ervare ondervinding bied nadat hy in top-kompetisies plaaslik en in die buiteland gespeel het, waar by baie lesse geler het het wat hom in staat sal stel om ons vir hierdie veldtog te lei.”

Alle Curriebeker-premierafdeling-wedstryde sal op Supersport uitgesaai word.

WEDSTRYDE

Griekwas vs Pumas Vrydag 5 Julie 15:00

Haaie vs Leeus Vrydag 5 Julie 17:15

Cheetahs vs Griffons Saterdag 6 Julie 13:30

Westelike Provinsie vs Blou Bulle Sondag 7 Julie 15:00

LEES VOLGENDE: Voormalige hoogspringkampioen Jacques Freitag word dood gevind