MK Party-lede protesteer by Durban stadsaal oor swak dienslewering

Sowat 3 000 Umkhonto Wesizwe-partyondersteuners het Vrydag na die stadsaal in Durban gestap om hul griewe te lug oor hoe die stad regeer word.

Volgens ‘n plasing op X deur die MK-party gaan die optog na die Durbanse stadsaal oor swak dienslewering van eThekwini Munisipaliteit. Sien video hieronder.

UMkhonto WeSizwe Party submitting the memorandum to eThekwini Municipality executives. The municipality has deteriorated and has failed the residents of eThekwini. We demand change now and intervention. #VoteMK2024 🍀 MK Party pic.twitter.com/OqNgsbGNLW

— uMkhonto WeSizwe Party (@MkhontoweSizwex) March 1, 2024

DURBAN IS VERVALLE EN SUKKEL MET WATERTEKORT

“Die Stad het agteruitgegaan en mense van eThekwini word deur die Munisipaliteit afgeskeep,” sê die MK-party. Onlangs sukkel groot dele van die stad Durban met watertekorte.

Timeslive het berig volgens ‘n politieke aktivis, Chris Biyela, was die betoging bedoel om die betogers se ontevredenheid met die regering in die stad uit te spreek. Hy het aanlopende kragonderbrekings, wateronderbrekings en werkloosheid as van hul bekommernisse genoem.

“Ons tree op na die bekommernisse wat geopper word deur gemeenskapslede wat sukkel,” het Biyela gesê.

Ds Zibusele Ngcobo, van die Grace Kingdom-kerk in Mariannhill, het gesê lede van sy kerk is deur die diensleweringsprobleme geraak. “Ons is bekommerd omdat ons lede ook die druk voel [weens] al die verkeerde dinge wat in ons land gebeur,” het Ngcobo gesê.

’n Sterk polisieteenwoordigheid was by die betoging sigbaar. Die optog vind plaas terwyl die stad ‘n staking in die gesig staar deur hoofsaaklik vaste afvalwerkers oor lone.

LEES: Wat verwag Eskom van nuwe uitvoerende hoof Dan Marokane?