Die wêreld se mees selfversekerde lande: SA is in die Top 10

Selfversekerde lande

In ‘n onlangse wêreldwye opname het navorsers van die Anglia Ruskin Universiteit meer as 56 000 mense uit 65 lande gevra oor hul liggaamsbeeld en hoe selfversekerd hulle voel. 

Tot nou toe, berig Daily Mail , het nie baie navorsing gekyk na hoe liggaamswaardering van land tot land wissel nie. Om dit te help uitpluis, het die span van die Anglia Ruskin Universiteit presies 56 968 deelnemers van 65 lande ingeroep wat gevra is om te bepaal hoe hulle saamstem met tien stellings.

LEES OOK: Wat is die beste manier om sonkrag vir jou huis te finansier?

Hierdie stellings het soos ‘Ek respekteer my liggaam’ en ‘Ek waardeer die verskillende en unieke eienskappe van my liggaam’ ingesluit.’

Professor Viren Swami, hoofskrywer van die studie, het gesê dit is een van die grootste studies oor liggaamsbeeld wat nog ooit uitgevoer is.

“Ons bevinding dat groter liggaamswaardering geassosieer word met beter sielkundige welstand beklemtoon die belangrikheid van die ontwikkeling van maniere om meer positiewe liggaamsbeeld wêreldwyd te bevorder,” het Swami gesê.

SA beland in die Top 10

Volgens die resultate het die navorsers bevind dat Malta die land met die meeste selfvertroue is, gevolg deur Taiwan, Bangladesj, Kazakhstan, Suid-Korea en die Filippyne. Suid-Afrika het ook redelik goed gedoen met ‘n tiende plek.

LEES OOK: Gratis toegang tot CapeNature-natuurreservate hierdie September

Aan die ander kant van die studie het Australiërs die laagste selfvertroue gehad, gevolg deur Indië, die VK, Ierland, Oekraïne, Duitsland en die VSA.

Interessant genoeg het die studie ook bevind dat liggaamswaardering hoër was by mense wat in landelike gebiede gewoon het, sowel as diegene wat enkellopend is.

Kyk hieronder na die Top 10 lande met die meeste en die minste selfvertroue is:

KLIK HIER OM MEER ARTIKELS DEUR SUNDEEKA MUNGROO TE LEES