Elon Musk: Hoeveel is dié miljardêr werd?

Elon Musk, wat in Suid-Afrika gebore is, behou steeds sy voorsprong bo Frankryk se LVMH-voorsitter Bernard Arnault op die wêreld se lys van rykste persone.

Musk (52), wat in Pretoria in Suid-Afrika gebore is, se fortuin het vanjaar met $97,2 miljard die hoogte ingeskiet, volgens die Bloomberg Billionaires Index .

Volgens die jongste syfers spog Elon Musk nou met ‘n netto waarde van $234 miljard , sowat $57 miljard meer as Arnault in die tweede plek ($177 miljard).

Hulle word gevolg deur die Verenigde State se Jeff Bezos ($162 miljard) wat die Top 3 afrond.

Die res van die Top 10, in volgorde, is: Larry Ellison, Bill Gates, Larry Page, Warren Buffet, Sergey Brin, Steve Ballmer en Mark Zuckerberg.

Suid-Afrika se rykste man, Johann Rupert , bevind hom in die 144ste posisie met ‘n netto rykdom van $12,8 miljard .

LEES OOK: Rugbywêreldbeker: ALLE Springbok-groepwedstryde en afskoptye

Intussen is die groot skuif op die Top 10 rykste lys – afgesien van Musk – Facebook-stigter Mark Zuckerberg wat sy fortuin van $63,5 miljard in die ses maande in 2023 tot $109 miljard opgeblaas het.

Die syfers word bygewerk aan die einde van elke verhandelingsdag in New York.

Hieronder, die Top 10 rykste mense in die wêreld

Soos op 6 September 2023