Gr.-8 seun deur pofadder op die voet gepik

‘n Gr.-8 seun is Vrydag deur ‘n pofadder voor die motorhuisdeur op sy ouers se plaas in die Noordkaap op die voet gepik.

DIE GR.-8 SEUN IS VOOR DIE MOTORHUIS SE DEUR GEPIK

Volgens Boland Snake Removals 24/7 and Pest Control is Hennie Becker, ‘n gr.-8 seun wat 120 km van die hospitaal bly, deur sy ouers na ‘n hospitaal in Kimberley vervoer. 

Lees ook: Paartjie se skrikwekkende ontmoeting met ‘n uitgehongerde luiperd

Toetse is glo gedoen en teengifmiddel is toegedien.

HY TOON BETERSKAP WAT DIE SWELLING EN EFFEK VAN GIF OP SY LYF HET

Boland Snake Removals 24/7 and Pest Control het bygevoeg dat Hennie se liggaam gisteraand skok, wat glo normaal is, ervaar en hy toon vandag beterskap wat swelling en die effek van die gif op sy liggaam betref.

“Vandag is als positief en sy lyf en swelling toon net positiewe nuus. Sterk wees Boeta.”

HIER IS VEILIGHEIDS WENKE OM SLANGBYTE TE VOORKOM

Mornay Thysse, bekende slangvanger van die Oudtshoorn brandweer het destyds die volgende wenke gegee om ‘n slangbyt te voorkom:

1. Moenie self ‘n slang probeer vang, doodmaak of vaskeer nie
2. Beweeg stadig weg van die slang af tot ten minste vyf of ses meter en ontbied hulp
3. Indien moontlik, hou die slang van ‘n afstand dop om te kyk waarheen hy gaan sodat hy later gevang kan word
4. Indien jy gepik word bly kalm. Skakel die noodnommer of kom so gou moontlik by ‘n dokter. Moenie die wond probeer behandel nie
5. Algemene wenke om te verhoed dat jy ‘n slangslagoffer word:
6. Hou jou erf skoon van tuinvullis en rommel
7. Dra skoene as jy buite is en dra handskoene as jy in die tuin werk
8. Moenie blare en onkruid met die hand tussen plante uitkrap nie – gebruik tuingereedskap

Neem ‘n flits of sit ‘n lig aan as jy snags buite beweeg. Slange soos pofadders kom graag snags uit om op warm sement of plaveisel te lê.

LEES VOLGENDE: KYK: Woedende olifant val safarivoertuig in Pilanesberg aan