SA bokskampioen se meisie in Rusland aangehou

SA bokskampioen, Chris van Heerden, is radeloos oor sy meisie, Ksenia Karelina, wat in Rusland aangehou word.

SA BOKSKAMPIOEN SE MEISIE IN RUSLAND AANGEHOU 

Volgens berigte word Ksenia daarvan beskuldig dat sy $51,80 aan ʼn Oekraïense liefdadigheidsorganisasie in die VSA geskenk het. 

LEES OOK: Geen borgtog vir Werner de Jager

Sy is op 27 Januarie 2024 in Rusland in hegtenis geneem deur die federale veiligheidsdiens (FSB) op aanklag van hoogverraad.

SY WORD BESKULDIG VAN HOOGVERRAAD 

Chris en Ksenia woon tans in Kalifornië in die VSA. Sy het Amerikaanse en Russiese burgerskap terwyl Chris sal binnekort Amerikaanse burgerskap ontvang.

Chris het in ‘n onderhoud met die Amerikaanse nuuskanaal ABC7 gesê dit voel vir hom soos ‘n nagmerrie. Kyk die volledige onderhoud hier.

LEES OOK: Soektog na vermiste 7-jarige van Saldanha

CHRIS HET IN ‘N ONDERHOUD GESê HIERDIE VOEL VIR HOM SOOS ‘N NAGMERRIE 

Hy het blykbaar Ksenia se vliegkaartjie Rusland toe gekoop sodat sy haar familie in Rusland kon besoek. Dit was glo ‘n verjaarsdagpresent.

‘n Emosionele Chris het tydens die video onderhoud begin huil.

“Hierdie verskriklike moeilike situasie duur nou al weke lank en ek was in hierdie tyd nie in staat om dit in die openbaar te bespreek nie,” het Chris vandeesweek in ʼn plasing op sy Facebook blad gesê. 

“Die Russiese regering het die inligting egter nou bekendgemaak.” 

KSENIA WORD DAARVAN BESKULDIG DAT SY VIR OEKRAINE SE WEERMAG GELD INGESAMEL HET

Rusland beskuldig Ksenia ook daarvan dat sy geld ingesamel het vir Oekraïne se weermag en “openbare byeenkomste in die VSA bygewoon het ter ondersteuning van die Kiëf-regime”, het die Daily Mail berig.

 Indien sy skuldig bevind word, kan sy tot 20 jaar tronkstraf in Rusland opgelê word. Karelina werk tans by Ciel Spa in Beverly Hills. 

SY KAN TOT 20 JAAR TRONKSTRAF OPGELê WORD

Haar medewerkers het van haar inhegtenisneming te hore gekom toe sy in die middel van Januarie nie vir haar skof opgedaag het nie.

LEES OOK: Hartverskeurend: Kruger-olifant doodgemaak te midde van gemeenskapschaos