Ses vermeende rowers op M1-suid voorgekeer
Ses vermeende rowers is Sondagoggend aangekeer voordat hulle ’n rooftog in Sandton kon uitvoer. Hier is meer inligting.
Polisie het ses vermeende rowers is Sondagoggend aangekeer voordat hulle ’n rooftog in Sandton kon uitvoer.
DIE SES VERMEENDE ROWERS IS OP DIE M1-SUID VOORGEKEER
Polisiewoordvoerder Luitenant-kolonel Mavela Masondo sê die polisie het inligting ontvang oor ’n groep verdagtes, onder wie ’n werknemer van ’n koeriermaatskappy, in ’n bakkie van dié maatskappy wat ’n rooftog in die omgewing van Johannesburg sou uitvoer.
Lees ook: Gr.-8 seun deur pofadder op die voet gepik
Lede van die Johannesburgse blitspatrollie het dié inligting opgevolg en die koerierbakkie asook ’n Toyota-bakkie op die N1-suid opgemerk.
DIE POLISIE HET INLIGTING ONTVANG OOR DIE GROEP VERDAGTES
Albei voertuie het ooreengestem met die informant se beskrywing van die voertuie.
Die polisie het die twee voertuie tot op die M1-suid in Sandton agtervolg en voorgekeer.
Die verdagtes is in besit van vyf vuurwapens voorgekeer waarvan sommige met patrone gelaai was.
Lees ook: Paartjie se skrikwekkende ontmoeting met ‘n uitgehongerde luiperd
Masondo sê die vuurwapens sal nou aan ballistiese toetse onderwerp word om te bepaal of dit nie vir ander misdade ook gebruik is nie.
DIE VERDAGTES SAL GEPROFILEER WORD OM TE KYK OF HULLE BETROKKE WAS BY ANDER MISDADE
Die verdagtes sal ook geprofileer word om vas te stel of hulle moontlik gesoek word vir die pleeg van ander misdade.
Die verdagtes staan in dié stadium tereg op aanklagte van die besit van ongelisensieerde vuurwapens en ammunisie, asook sameswering om roof te pleeg.
Luitenant-generaal Tommy Mthombeni, Gautengse provinsiale polisiekommissaris, het intussen sy dankbaarheid teenoor die Johannesburgse blitspatrollie betuig.
DIE SES VERDAGTES STAAN TEREG OP VERSKEIE AANKLAGTES
“Ek bedank ons lede van die blitspatrollie wat vinnig opgetree het nadat hulle die inligting ontvang het en die verdagtes onderskep het voordat hulle misdaad kon pleeg en moontlik onskuldige mense kon vermoor.
“Ek bedank ook die wetsgehoorsame gemeenskap van Gauteng wat volhou om die polisie betyds te waarsku oor moontlike misdadige aktiwiteite in ons provinsie. Dié soort samewerking dra by om die misdadigers in Gauteng aan bande te lê.”
Luitenant-generaal Tommy Mthombeni gesê.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
