SA bevolking ly honger
50% van Suid-Afrikaners ly honger a.g.v. hoë voedselpryse. Foto: Pixabay.

Tuisblad » Nuus » 50% van SA se bevolking sal in 2025 honger ly

50% van SA se bevolking sal in 2025 honger ly

Shoprite se hoof van volhoubaarheid en CSI Sanjeev Raghubir sê dat die helfte van die bevolking oor twee jaar honger sal ly weens hoë voedselpryse.

SA bevolking ly honger
50% van Suid-Afrikaners ly honger a.g.v. hoë voedselpryse. Foto: Pixabay.

“Die getalle in die voedselindeks is onaanvaarbaar hoog en die klein aantal mense wat voedselonsekerheid vryspring te laag,” het Raghubir gesê. 

‘N BLIK OP ALLE PROVINSIES

Die vooruitsigte vir voedselonsekerheid vir die verskillende provinsies word soos volg beraam (persentasies dui beraamde geaffekteerde bevolkingsgedeelte aan):

Limpopo – 54%
KwaZulu-Natal – 53%
Noordwes – 53%
Noord-Kaap – 52%
Oos-Kaap – 48%
Mpumalanga – 50%
Gauteng – 47%
Wes-Kaap – 41%

LEES OOK: Tot 12,5 miljoen liter riool word daagliks in Kaapse baai gestort

KOSPRYSE SKIET DIE HOOGTE IN

’n Verslag wat deur Statistieke Suid-Afrika gepubliseer is, het aangedui dat die verbruikersprysindeks (VPI) in September 2023 met 5,4% gestyg het vergeleke met September verlede jaar.

Vleispryse het tussen Augustus en September gemiddeld met 0,6% gestyg. Pluimveeprodukte het ‘n styging in pryse ervaar as gevolg van voëlgriep.

Pryse van kos en nie-alkoholiese drankies het met 8,1% gestyg vergeleke met September verlede jaar.

LEES OOK: MUT-student sterf nadat weerlig hom in sy slaap tref

Moneyweb het berig dat sommige voedselprodukte oor die afgelope 3 jaar byna in prys verdubbel het. Enkele voorbeelde van beduidende verhogings tussen September 2020 en September 2023 is:
Margarien – 54%
Sonneblomolie – 51%
Wit suiker – 40%
Aartappels – 40%
uie – 79%
Tandepasta – 55%
Toiletpapier – 50%

DIE GRONDWET

Die Suid-Afrikaanse Menseregtekommissie het ‘n brosjure gepubliseer wat beklemtoon dat die reg op voedsel ‘n mensereg is wat onder nasionale en internasionale reg erken word. Die Grondwet van die Republiek van Suid-Afrika bepaal dat:

“elkeen het die reg om toegang tot genoeg kos en water te hê” 

“die staat moet redelike wetgewende en ander maatreëls tref, binne sy beskikbare hulpbronne, om die progressiewe verwesenliking van elk van hierdie regte te bereik”, en

elke kind het die reg op “basiese voeding, skuiling, basiese gesondheidsorgdienste en maatskaplike dienste”.

LEES OOK: Plaasbestuurder praat oor noue ontsnapping uit luiperdaanval

KLIK HIER OM MEER ARTIKELS DEUR MARZANNE JANSE VAN RENSBURG TE LEES

Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.