BBC-nuusaanbieder wys middelvinger regstreeks op televisie
’n BBC-nuusaanbieder is Woensdag aan die begin van ’n regstreekse uitsending per ongeluk betrap terwyl sy haar middelvinger opgehou het.
Maryam Moshiri, een van BBC News se topaanbieders, is aan die begin van die middagnuusbulletin gesien met haar middelvinger – en wenkbroue – gelig, ná die program se aftelling.
LEES OOK: Toerismeveiligheidsmonitors word opgelei vir die somer
In wat duidelik ‘n fout van oordeel en tydsberekening was, het Moshiri haarself vinnig reggetrek en die nuusopskrifte begin voorlees.
Kyk:
Aanbieder vra om verskoning
Moshiri het Donderdag op Twitter (X) gegaan om te verduidelik dat sy met die produksiespan gespot het en gemaak of sy met haar vingers aftel.
“Haai almal, gister net voor die hoofnuus het ek bietjie met die span in die galery gespot.
Ek het gemaak of ek aftel terwyl die regisseur my van 10-0 aftel.. insluitend die vingers om die nommer te wys. Dus van 10 vingers wat tot een gehou word.
Toe ons by 1 kom, het ek vinger omgedraai as ‘n grap en nie besef dat dit op kamera vasgevang sou word nie.
Dit was ‘n private grap met die span en ek is so jammer dat dit op die lug uitgegaan het! Dit was nie my bedoeling dat dit sou gebeur nie en ek is jammer as ek iemand beledig of ontstel het. Ek het dit nie op die kykers of iemand spesifiek gemik nie.
Dit was ‘n simpel grap wat vir ‘n klein aantal van my maats bedoel was,” het haar twiet gelui.
LEES: Storm saai verwoesting in Bloemfontein
Sommige kykers voel beledig
Sommige mense het aanstoot geneem deur onder die aanbieder se twiet kommentaar te lewer dat dit onprofessioneel is en het gevra dat BBC gedefundeer word.
Maar sy is ook oorval met ondersteuning van dosyne mense wat die oomblik amusant gevind het, met een wat geskryf het: “As ‘n BBC-lisensiebetaler eis ek meer van hierdie tipe gedrag.”
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
