Cele skuldig bevind nadat hy op misdaadaktivis Ian Cameron geskree het

Bheki Cele, minister van polisie, is skuldig bevind aan die oortreding van die etiese kode nadat hy verlede jaar ‘shut up’ op die misdaadaktivis Ian Cameron in Gugulethu geskree het.

Cameron het Cele gekonfronteer oor die polisie se tekortkominge.

’n Konfrontasie het tussen Cele en Cameron ontstaan, waartydens Cele op Cameron geskree het.

“I am not going to take any nonsense from someone who regards me as a garden boy today because you regard me as a garden boy. You come here, shut up, shut up, shut up.”

het Bheki Cele gesê.

CAMERON IS GEWELDDADIG DEUR DIE POLISIE VERWYDER

Cameron het geweier om die saal te verlaat. Hy is “gewelddadig” deur die polisie verwyder en na sy motor begelei.

LEES OOK: Richardsbaai-brand: Wind bemoeilik brandbestrydingspogings

Hy het gesê om Cele te beveel om verskoning te vra is ‘n eerste en gewaardeerde stap, maar hy glo Cele skuld die hele land ‘n verskoning.

“Vertroue in die Suid-Afrikaanse Polisiediens (SAPD) is op ‘n allemintige laagtepunt terwyl die skokkende vlakke van misdaad daartoe gelei het dat Suid-Afrika as die derde mees onveilige land ter wêreld beskou word.”

“’n Eerbare persoon sal grasieus uitstap, maar Cele lyk te honger vir mag. Daarom sal Action Society voortgaan om te eis dat hy uit sy pos as minister van polisie bedank en verwyder word.

“Niks het sedert daardie dag verander nie; in werklikheid sterf meer mense nou. ’n Verskoning sonder optrede sal altyd leeg wees. Die SAPD moet herstruktureer en herbou word. Cele moet die eerste wees om te gaan.”

het Cameron aan Maroela Media gesê

LEES OOK: Uitvoerende hoof van Transnet Portia Derby bedank

CELE MOET VERSKONING VRA AAN CAMERON VOOR DIE NASIONALE VERGADERING

Die Parlement se etiese komitee het Bheki Cele, minister van polisie, skuldig bevind aan die oortreding van die etiese gedragskode vir LP’s.

Hulle wil hê Cele moet Cameron om verskoning vra voor lede van die Nasionale Vergadering.