Duisende polisie rekrute begin met opleiding

Duisende polisie rekrute meld Maandag by verskeie polisie-akademies aan om met hul opleiding te begin.

MEER AS ‘N MILJOEN AANSOEKE IS OORSPRONKLIK ONTVANG

Nasionale polisiewoordvoerder brigadier Athlenda Mathe sê meer as ʼn miljoen aansoeke is oorspronklik vir die 2024-’25-tydperk ontvang.

Die werwing- en keuringsproses is afgehandel en 4 500 rekrute van die 10 000 wat vir die 2024-’25-boekjaar gekies is.

“Die werwing en keuring van geskikte kandidate wat aan al die basiese vereistes voldoen is van kardinale belang vir die voortgesette sukses van die werk en mandaat van die polisie. Finale keuring is gegrond op meriete en die proses is vry van vooroordeel, nepotisme en diskriminasie,”

sê Mathe.

Lees ook: Twee onbekende liggame op N3 naby Harrismith gevind

‘FINALE KEURING IS GEGROND OP MERIETE EN DIE PROSES IS VRY VAN VOOROORDEEL, NEPOTISME EN DISKRIMINASIE’

Volgens Mathe het president Cyril Ramaphosa drie jaar gelede aangekondig dat die polisie se kapasiteit versterk moet word om sodoende misdaad te bekamp.

Die polisie het die afgelope twee jaar 20 000 polisiebeamptes opgelei en by stasies en eenhede ontplooi om polisiëring te verbeter en misdaad te voorkom.

DIE POLISIE SE KAPASITEIT MOET VERSTERK WORD OM MISDAAD TE BEKAMP

Ná hul suksesvolle afhandeling van die basiese polisie-ontwikkelingsleerprogram (BPDLP), sal die rekrute by ondersoekeenhede, hoë-misdaadstasies en gespesialiseerde eenhede soos die openbare orde- eenheid ontplooi word.