hittegolf en beurtkrag
Vrot tamaties. Foto: Pexels/Wendy Wei

Tuisblad » Nuus » Hittegolf en beurtkrag: ‘n Rampspoedige kombinasie vir boerdery

Hittegolf en beurtkrag: ‘n Rampspoedige kombinasie vir boerdery

Die hittegolf in dele van Suid-Afrika tesame met die hoë beurtkragstadiums sal lei tot aansienlike verlies in die landbou.

hittegolf en beurtkrag
Vrot tamaties. Foto: Pexels/Wendy Wei

Sonder elektrisiteit kan boere nie hul oeste besproei nie. Die huidige toestande lei tot beide minder opbrengs en swakker kwaliteit produkte. 

REGERING TE BLAMEER

Volgens ‘n Times Live-artikel het Agri Limpopo gesê fase 6-beurtkrag sal die hele voedselketting in die rooi druk.

“Sonder krag is daar nie water vir besproeiing nie. Voeg hierby die voortdurende hittegolftoestande wat hier in Limpopo ervaar word, en ons het ’n resep vir ’n ramp,” het Deidre Carter, uitvoerende hoof van Agri Limpopo, gesê. “As boere het ons te doen met lewende organismes. Sonder krag om water te pomp en te voorsien sterf hierdie organismes of hul groei word belemmer – ons huidige klimaatstoestande is ook ‘n groot kommer.”

Agri Limpopo het hul woede uitgespreek en verklaar dat die regering nie inagneming vir die landbousektor het nie. “Die regering is ten volle verantwoordelik vir die sabotasie van die landbousektor, ons voedselsekerheid en die welstand van ons nasie as geheel.”

LEES OOK: Kolisi vir president: Siya sê nee dankie!

VROT TAMATIES

‘n Tamatieboer in die distrik, Lefosi Makgahlela, het gesê dat die huidige toestande nie net minder tamaties veroorsaak nie, maar ook dat die tamaties wat geoes kan word, van ‘n baie swakker gehalte is, soos berig deur SAUK Nuus. Kyk na die volledige berig.

LEES OOK: Gauteng: K73 Allandaleweg amptelik opgegradeer

Chris Yelland, ‘n energie-ontleder, het verduidelik hoe die huidige weerstoestande die beurtkragskedule beïnvloed, soos gerapporteer deur IOL. Een rede wat hy vir ‘n groter elektrisiteitsvraag gegee het, is die verhoogde gebruik van lugversorging.

“Aan die aanbodkant beïnvloed die warm weer wel die uitset van sommige van Eskom se grootste steenkoolkragstasies, en veral Majuba, Medupi en Kusile, want dit is alles wat bekend staan as droë lugverkoelde kragstasies, en in die warm weer die lug is warmer en daarom is die verkoeling nie so goed nie en dit beïnvloed die uitset van die kragopwekkers, hulle moet uitset verminder om oorverhitting te voorkom,” het Yelland gesê.

KLIK HIER OM NOG ARTIKELS DEUR MARZANNE JANSE VAN RENSBURG TE LEES