Kyk regstreeks: Die Springbokke se trofeetoer
Kyk regstreeks hoe die Springbokke Donderdagoggend hul Rugby Wêreldbeker-trofeetoer in Pretoria begin.
Die Springbokke begin Donderdagoggend met hul Rugby Wêreldbeker-trofeetoer in Pretoria wanneer die oopdakbus om 09:30 vanaf die Uniegebou vertrek.
KYK: Springbokparade
Die Gauteng-roete sal in ‘n oostelike rigting begin en verby Loftus Versfeld gaan voordat hulle weswaarts gaan om na Pretoria se middestad te reis.
LEES OOK: Etzebeth het die naweek verskeie mylpale gevier
Die Bokke sal dan na Johannesburg vertrek, waar hulle om 14:00 by Jan Smutslaan 1 in Braamfontein moet wegtrek voordat hulle die Nelson Mandela-brug oorsteek en dan Soweto toe gaan.
Die Gauteng-toer sal eindig wanneer die Bokke omstreeks 15h45 by FNB-stadion aankom – toegang is gratis en kaartjies is by Ticketpros beskikbaar.
LEES OOK: Middeltermynbegroting: Ekonome waarsku teen moontlike onrus
Vrydag is die Springbokke in Kaapstad, waar ‘n groot skare verwag word by die Grand Parade langs die Stadsaal, waar hulle na verwagting om 11h30 sal arriveer.
Die busroete sal kort na 12h00 begin en sal die Kaapstadse sakekern inneem, en vanaf 14h30 is hulle geskeduleer om deur Langa en Bonteheuwel te ry voordat hulle omstreeks 17h30 terug na die middestad gaan.
Die Bokke vertrek Saterdagoggend vroeg na KwaZulu-Natal vir hul toer wat omstreeks 09:30 by die Garden Court Hotel in Umhlanga begin, op pad na die Durbanse stadsaal en uiteindelik uShaka Marine World, waar hulle omstreeks 13:45 verwag word.
Die laaste roete sal Sondag in Oos-Londen wees, wat vanaf 10h00 tot ongeveer 14h00 by die Garden Court Hotel begin en eindig.
Besonderhede oor die roetes sal op die Springbokke se sosiale media-kanale geplaas word, asook opdaterings waar nodig, aangesien al die roetes en tydsberekeninge onderhewig is aan verandering.
Vir meer inligting oor hoe die bestemmings gekies is, klik hier. Satelliettoere na ander bevolkingsentrums in onder meer die Vrystaat, Noordwes, Limpopo, Mpumalanga en Noord-Kaap is in die beplanningstadium, met skedulering afhanklik van spelers se klubverpligtinge.
Mense met gestremdhede word versoek om asseblief die plaaslike munisipaliteite wat die roetes beplan het, te kontak.
LEES: Einde van skelmritte? Metrobus stel 24 roete-inspekteurs aan
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
