Etzebeth het die naweek verskeie mylpale gevier

Etzebeth het Saterdagaand die Springbokke se oorwinning van die Rugby Wêreldbeker saam met sy spanmaats gevier. Die kragtige slot het ‘n uitstekende toernooi geniet.

Ná die Springbokke se naelskraapse eindoorwinning oor die All Blacks, het Eben se vrou, Anlia Etzebeth, ‘n feestelike foto saam met die Bok-voorspeler op Instagram gedeel, terwyl sy ook ‘n sigbare bababoepie onthul het.

LEES OOK | Australiese polisie gaan voort met soektog van man wat deur haai aangeval is

Die gewilde aktrise – wat veral bekend is vir haar rol as Sasha Richter in die TV-reeks Getroud met Rugby – het haar Instagram-foto met ‘n “baby bump”-emoji en die volgende woorde gedeek: “Blessings upon blessings. Thank you Lord!”

Sondag het die Springbokslot sy 32ste verjaardag gevier, nadat hy ongetwyfeld tot in die vroeë oggendure gekuier het terwyl die Suid-Afrikaanse span se vieringe lank voortgeduur het ná die eindfluitjie.

LEES OOK | Einde van skelmritte? Metrobus stel 24 roete-inspekteurs aan

Meer vir Etzebeth om te vier

Net om dinge nog meer jolig te maak, is Etzebeth Sondagaand ingesluit in die Wêreldrugbyspan van die jaar, hoewel hy nogal ‘n snaakse haarstyl gedra het wat soortgelyuk aan RG Snyman se mohawk lyk.

“So vyf weke gelede het ek en RG Snyman op die bus gepraat, en ek het gesê as ons die Wêreldbeker wen, sal ek my hare soos syne sny,” het Etzebeth aan verslaggewers gesê.

“Omtrent 4:30 na die eindstryd … en ek het nie water gedrink nie … RG het my daaraan herinner. Ek is ‘n man van my woord.”

LEES OOK | Kaapstad kry dalk nog ses natuurreservate

Uiteindelik het Etzebeth gesê ‘n paar opknappings van sy spanmaat Damian Willemse het die algehele voorkoms verbeter.

“Damian Willemse het dit gesny. My vrou hou daarvan, so ek is gelukkig,” het hy gespot.