Pick n Pay stel eerste ‘zero-waste’ winkel in Kaapstad bekend

Pick n Pay het hul eerste zero-waste supermark in Kaapstad bekend gestel, wat hul verbintenis tot die vermindering van voedselvermorsing versterk.

Die loods toets ’n netto zero-waste model deur voedselafval na plaaslike boere, komposteerders of afval-tot-energie-fasiliteite te herlei. 

Alle eetbare oorskotvoedsel – kos wat se sperdatum verby is, maar nie die verbruiksdatum nie – word reeds aan FoodForward SA geskenk, wat daagliks byna ‘n miljoen mense voed deur 2 750 begunstigde organisasies.

Pick n Pay hoop om die model in meer winkels landwyd te herhaal, met planne wat reeds in die pyplyn is om die konsep na sy verspreidingsentrums uit te brei.

LEES OOK: Eierpryse skiet die hoogte in

Pick n Pay Stellenbosch Square loods die model, en die winkel het ‘n vennootskap met die verskaffer Farmer Angus aangegaan, wat ongeveer 600 kg voedselafval per week van stortingsterreine aflei.

Dit sal na verwagting weekliks 1 500 kg koolstofvrystellings bespaar – wat gelykstaande is aan ‘n besparing van 7 000 km se uitlaatgasse van ‘n standaard petrolmotor.

Steffen Burrows, volhoubaarheidsbestuurder by Pick n Pay, sê hierdie model sal die skadelike omgewingseffekte van afvalverwydering versag terwyl dit ‘n goeie kringloop skep wat plaaslike landbou ondersteun.

“Voedselafval maak ’n beduidende bydrae tot koolstofvrystellings. Die vennootskap met Boer Angus sal daartoe lei dat die nabygeleë winkel se vervalde voedselafval van stortingsterreine na Boer Angus se varke herlei word, wat afval effektief in ‘n waardevolle hulpbron vir boere omskep,” sê Burrows.

Hy sê hierdie innoverende inisiatief laat Pick n Pay se deelname aan die sirkulêre ekonomie groei.

“Ons hergebruik organiese afval as veevoer, wat effektief die omloop van afvalgenerering en -verbruik sluit. Wat hierdie projek nog meer volhoubaar maak, is dat ons Boer Angus se produkte op ons rakke aanhou.”

LEES OOK | Netflix gaan pryse verhoog nadat hulle wagwoorddeling verbied het

Angus McIntosh, die eienaar van Farmer Angus, sê, “sy varke is verheug oor hul nuwe gevarieerde dieet, wat wissel van vrugte en groente tot verouderde doughnuts”

“Nie net eet die varke die kosafval eet en vleis wat in Pick n Pay-winkels verkoop word nie, maar verouderde kos word nie meer gemors nie, wat beteken dat geen metaan uit die kosafval in die atmosfeer vrygelaat sal word nie. Metaan het 25 keer die aardverwarmingspotensiaal as CO2.”

Boer Angus, ‘n bekende gras-gevoede bees- en varkplaas wat regeneratiewe landboubeginsels en -praktyke volg, is passievol daaroor om klimaatsverandering om te keer. 

Hulle pogings om met die natuur te boer – eerder as daarteen – het daartoe gelei dat hulle een van die eerste plase ter wêreld geword het wat in 2014 koolstofkrediete ontvang het vir die verhoging van die koolstofinhoud in die weivelde waar sy beeste wei.

“Hierdie loods oortref die vermindering van koolstofvoetspoor. Dit bring ‘n nuwe era van bewuste verbruikerswese, omgewingsrentmeesterskap en gemeenskapsamewerking mee. Deur met boer Angus saam te werk aan hierdie loods, belyn ons ons pogings om die positiewe impak wat ons op die omgewing kan maak te vergroot,” sê Burrows.

Personeel by Pick n Pay Stellenbosch Square sal voedsel en organiese afval van algemene afval en herwinbares skei.

Alle kos wat nie vir menslike gebruik geskenk word nie, word in aparte dromme geplaas, in die afvaldiensarea ontpak en aan boer Angus gestuur.

Dit sluit alle kos in, behalwe varkvleisprodukte, waarvoor die kleinhandelaar ‘n komposoplossing volg as deel van die loods.

“Ons wil hê dat hierdie loods sal dien as ‘n bloudruk vir toekomstige volhoubaarheidspogings in ons winkels en verder,” sluit Burrows af.

Hierdie inisiatief vorm deel van die Pick n Pay-groep se verbintenis tot die vermindering van voedselvermorsing en die omgewingsimpak daarvan.

Die kleinhandelaar het ‘n doelwit gestel om voedselvermorsing in sy organisasie teen 2030 met 50% te verminder, en verlede jaar het Pick n Pay 62% van voedselafval suksesvol deur skenkings van stortingsterreine herlei en verhoed dat oortollige kos gemors word.

ALSO READ: DA protesteer teen hoë lewenskoste in Oos-Kaap