SAMWU: Eiebelang voor dié van werkers?
Drie-en-negentig stakende munisipale werkers is deur die Stad Tshwane afgedank, en ActionSA sê SAMWU moet die blaam dra.
ActionSA in Gauteng het die leierskap van die Suid-Afrikaanse Munisipale Werkersunie (SAMWU) daarvan beskuldig dat hulle lede in Tshwane gebruik as pionne vir hul eie loopbaanvordering.
Is SAMWU die rede dat werkers hul werk kwyt is?
LEES OOK: Drie verdagtes in hegtenis geneem vir onwettige mynbou
Verskeie munisipale werkers van die Stad Tshwane wat by SAMWU geaffilieer is, staak al vir byna ‘n maand met ‘n onbeskermde staking. Die Stad het reeds 93 van die betogers afgedank het. Funzi Ngobeni, provinsiale voorsitter van ActionSA, sê SAMWU-leierskap moet direk aanspreeklik gehou word vir die werkers se werksverlies.
“ActionSA word betroubaar ingelig dat SAMWU-lede sommige van hul leiers daarvan beskuldig het dat hulle werkers uitverkoop in die nastrewing van hul eiebelang. Van hierdie SAMWU-leiers word daarvan beskuldig dat hulle bevorderings na senior poste aanvaar het”, sê Ngobeni.
Ngobeni beweer daar is ‘n stemopname wat die bewerings ondersteun.
ACTIONSA BEVRAAGTEKEN TEENWOORDIGHEID VAN JHB-LEIER IN TSHWANE STAKING
Ngobeni het ook die teenwoordigheid van ‘n SAMWU-leier van die Stad Johannesburg in die onwettige staking bevraagteken en het gesê dat die party by die Stad Joburg Bestuurder navraag sal doen om vas te stel hoe die Stad Joburg Arbeidsverhoudinge se departement die “aftyd” goedgekeur het.
“Dit is ongehoord dat die werkgewer ‘aftyd’ vir vertrouensbeamptes van een munisipaliteit ‘n optog in ‘n ander munisipaliteit kan goedkeur, tensy daardie vakbond aan ‘n beskermde staking deelneem en dan op ‘n latere stadium, wanneer daardie vakbond dit goedgekeur het om die uitnodiging na ander sustervakbonde vir ondersteuning te verleng/mobiliseer”
Ngobeni het gedreig om SAMWU by die Departement van Arbeid aan te kla, afhangende van die reaksie wat hy van die stadsbestuurder ontvang.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
