SAPD: Onwettige vuurwapens hou ‘n bedreiging vir die samelewing in

Die Suid-Afrikaanse Polisiediens (SAPD) het kommer uitgespreek oor onwettige vuurwapens in die strate.

Hulle het in ‘n verklaring aangedui dat onwettige vuurwapens volgens hul rekords die meeste voorkeurwapens is wanneer ‘n misdaad tydens rooftogte en moorde gepleeg word.

POLISIE BEGRY OM ONWETTIGE VUURWAPENS VAN DIE STRATE AF TE KRY

Volgens polisiewoordvoerder, brigadier Athlenda Mathem, fokus die SAPD daarop om onwettige vuurwapens uit die samelewing te verwyder. 

“Onwettige vuurwapens hou ‘n gevaar in vir ons gemeenskappe. Die SAPD het die afgelope jaar beslag gelê op meer as 4 000 onwettige vuurwapens tydens operasies en meer as 72 000 vuurwapens waarop beslag gelê is tydens operasies die afgelope drie jaar is deur die polisie vernietig.”

Mathe het verder genoem dat wenke van ons gemeenskappe ‘n deurslaggewende rol speel om die SAPD te help om hierdie onwettige vuurwapens op te spoor. 

“Ons pleit by ons gemeenskappe om inligting oor misdadigers wat onwettige vuurwapens het aan te meld en te deel sodat ons meer lewens kan red en misdaadvlakke kan verminder. 

Gemeenskappe moet onmiddellik 0860010111 skakel wanneer hulle bewus is van enigiemand in besit van onwettige vuurwapens. 

WENKE AAN WETLIKE VUURWAPEN EIENAARS

Intussen het die Brigadier wenke aan wettige vuurwapeneienaars gedeel oor hoe om hulle veilig te hou, om te verhoed dat hulle onwettig op straat beland.

• Vuurwapeneienaars moet onthou om hul gelisensieerde vuurwapen in die kluis te hou en die enigste persoon met die sleutel tot die kluis te wees. 
• Wanneer die vuurwapen nie in gebruik is nie, maar in hul besit, moet die vuurwapen op ‘n holster wat aan hul lyf vasgemaak is, gehou word. 
• ’n Vuurwapeneienaar moet altyd in beheer van sy vuurwapen wees. 
• As iemand ‘n vuurwapen wettiglik wil besit, moet hulle eers vir opleiding gaan en ‘n bevoegdheidsertifikaat van ‘n geregistreerde vuurwapenopleidingsinstituut kry. 
• Sodra jy die bevoegdheidsertifikaat verwerf het, kan jy by jou naaste polisiestasie om die vuurwapenlisensie aansoek doen. 
• Dit is belangrik om daarop te let dat jy ‘n lisensie benodig vir elke vuurwapen wat jy besit.

Mathe het die wettige vuurwapeneienaars daaraan herinner dat hulle hul vuurwapenlisensie minstens 90 dae voor die vervaldatum moet hernu. 

“Die geldigheid van die lisensie wissel tussen twee en tien jaar na gelang van die tipe lisensie.”

VOLGENDE LEES: Wapenorganiseerder deel binnekennis oor sluipmoordbedryf