Verkeersbeampte dood toe vragmotor nie stop nie
‘n Verkeersbeampte (58) het op die N4 buite Komatipoort gesterf toe hy ‘n vragmotor probeer stop het. Hier is meer inligting.
Die departement van gemeenskapsveiligheid (DCSSL) sê ‘n 58-jarige verkeersbeampte is op die N4 dood nadat ‘n vragmotor hom getref het. Hy wou glo die vragmotor aftrek.
DIE BEAMPTE WAS AANDIENS EN BESIG MET SY PLIGTE
Moeti Mmusi, die woordvoerder vir sê die beampte was aan diens en besig met sy pligte. Die polisie en verkeersafdeling is agter die verdagte aan.
Intussen het Busisiwe Shiba, die waarnemende LUR vir gemeenskapsveiligheid, sekuriteit en skakeling, kommer oor die sterftes van verkeersbeamptes deur vragmotors uitgespreek.
KOMMER IS UITGESPREEK OOR DIE STERFTES VAN VERKEERSBEAMPTES
Sy het verkeersbeamptes ook gemaan om meer waaksaam te wees wanneer hulle padgebruikers voorkeer, aangesien sommige kwaadwillig is.
Shiba het voorts medelye teenoor die afgestorwene se familie, kollegas en vriende uitgespreek.
Dit is die tweede insident waar ‘n verkeersbeampte op so ‘n wyse sterf. Henry Ngwambo is in April ook deur ‘n vragmotor getref, waarna hy oorlede is.
Lees ook: Soektog na vermiste man steeds op dreef
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
