Voetganger se hande afgekap naby Witbank
‘n Voetganger is langs die pad naby Witbank aangeval deur ses gewapende mans en beide sy hande is afgekap. Hier is meer inligting.
Polisie is opsoek na ses mans wat ‘n voetganger langs die pad naby Witbank aangeval het en beide sy hande afgekap het.
DIE VOETGANGER IS AANGEVAL EN IN ‘N BAKKIE GEDWING
Volgens polisie woordvoerder Kolonel Donald Mdhluli is die man aangeval terwyl hy in die vroeë oggendure van Woensdag langs die pad naby Witbank geloop het.
“Ses gewapende verdagtes in ‘n groen Opel Corsa-bakkie het die 30-jarige voetganger in die bakkie gedwing. Hulle het beide sy hande en bene vasgebind.”
BEIDE SY HANDE IS IN DIé AANVAL AFGEKAP
Mdhluli sê die verdagtes het met die bakkie in bosse ingery.
Lees ook: Groot deurbraak in die vermiste KZN-skipper, John Matambu, saak
“Dit was gedurende hierdie tydperk dat die gewapende mans sy hande af gekap het. Asof dit nie genoeg was nie, het hulle albei sy hande gevat en gevlug en hom in geweldige pyn agtergelaat het.”
Veiligheidsbeamptes het dié man te hulp gekom.
‘ASOF DIT NIE GENOEG WAS NIE HET HULLE ALBEI SY HANDE GEVAT EN GEVLUG’
“Die polisie sowel as mediese personeel is ook na die toneel ontbied en die slagoffer is vir mediese behandeling geneem.”
het Mdhluli gesê.
Dié beseerde man is tans in die hospitaal terwyl die polisie ‘n saak van poging tot moord ondersoek.
HET JY INLIGTING WAT DIE POLISIE KAN HELP?
Die polisie doen ‘n beroep op enigiemand met inligting wat kan help om die verdagtes op te spoor, om Luitenant-kolonel Muntu Mbatha by 0826008537 te kontak. Of die Crime Stop-nommer by 08600 10111 te skakel of inligting via MYSAPSAPP te stuur. Alle inligting wat ontvang word, sal as vertroulik hanteer word en bellers kan kies om anoniem te bly.
Intussen het die provinsiale kommissaris van die SAPD in Mpumalanga, luitenant-generaal Semakaleng Daphney Manamela ‘n belofte gemaak at die verdagtes gou gevang sou word.
‘DIE DADE IS HARTELOOS EN MOET TEN STERKSTE VEROORDEEL WORD’
“Alhoewel die slagoffer nie vermoor is nie, is die dade harteloos en moet ten sterkste veroordeel word op die sterkste moontlike manier,” het die Generaal gesê.
In ander nuus, Markus Jooste se skok-selfmoord het baie Suid-Afrikaners laat wankel. Veral die gemeenskap van Hermanus, waar hy sy laaste paar dae deurgebring het.
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
