Klein Marlo verloor sy dapper stryd teen kanker

Die vyf-jarige Marlo Goosen wat die harte van Suid-Afrikaners aangegryp het met sy stryd teen kanker, het Dinsdagoggend gesterf.

KLEIN MARLO HET DINSDAGOGGEND GESTERF

Marlo is op 28 Mei verlede jaar met kanker gediagnoseer en sy ma, Marinet, is kort daarna met borskanker gediagnoseer. 

Sy ontvang steeds behandeling.

MARINET VEG STEEDS DAPPER VOORT TEEN BORSKANKER

Dié klein vegtertjie se stryd met kanker het in Desember 2022 begin as ‘n tandpyn wat nie wou stop nie. 

Volgens sy ma het hy het medikasie gekry wat die pyn verdoof het en dan was dit weg, maar het na ‘n ruk teruggekeer.

Lees ook: Vermiste Joslin Smith: R1 miljoen BELONING vir inligting

“Januarie het hy van tand- en oorpyn gekla. Ons is dokter toe en hy het voorskrifmedikasie gekry wat oordruppels, antibiotika en ‘n pynmiddel insluit. Nie lank hierna nie het die skool gevra dat ek hom met ‘pampoentjies’ by die huis moet hou.”

het Marinet gesê.

MARLO SE STRYD HET BEGIN BY ‘N TANDPYN

Marinet het destyds verduidelik dat sy hom na ‘n ander dokter geneem het.

“Die dokter het bevestig dat hy nie pampoentjies het nie. Omdat hy nie beter geword het nie, is ons ‘n week later terug waarna ‘n sonar gedoen is. Daar is ‘n gewas opgemerk en saam met sy uitslae het daar gestaan dat hy beslis verdere mediese toetse moes ondergaan.”

Marlo is verlede jaar in Maart 2023 opgeneem sodat ‘n MRI-skandering gedoen kon word. 

Die skandering het getoon dat daar ‘n gewas is wat na binne groei. Kort daarna is kanker by hom gediagnoseer. Sy stryd teen kanker het toe begin. 

VOLGENS DOKTERS HET MARLO ‘N GEWAS GEHAD WAT NA BINNE GEGROEI HET

Medelye vir Marlo stroom in sedert die hartseer nuus bekend gemaak is Dinsdag. 

Lindie Nel sê op die Please Pray For Marlo Goosen And His Mommy! Both Warriors With Cancer Facebook-blad Marlo het onlangs ‘n terugslag ervaar en was terug hospitaal toe waarna die slegte nuus ontvang is dat kanker – meningeale karsinomatose – terug is in sy brein. 

Drukking op sy brein het aanvalle veroorsaak. 

DOKTER KON NIKS MEER VIR HOM DOEN NIE

Marlo sou Dinsdag huis toe gaan, aangesien die dokters niks meer vir hom kon doen nie.

Daar is versoek dat die familie se privaatheid in hierdie moeilike tyd gerespekteer word.