Waterverskuiwing: Wat is dit, hoekom en waar word dit geïmplementeer?

Rand Water het Sondag die implementering van waterverveskuiwing bevestig om watertoevoer na alle gebiede in Gauteng te verseker.

Volgens berigte het Senzo Mchunu, minister van water en sanitasie, Woensdag ‘n beroep op die nutsmaatskappy gedoen om hierdie maatreël te implementeer en gesê Rand Water het hom verseker dat hulle vragverskuiwing vanaf minder besige lyne sal doen.

Inwoners in South Hills is al meer as twee weke sonder water.

INWONERS IN SOUTH HILLS IS AL MEER AS TWEE WEKE SONDER WATER

Johannesburg Water het in kennis gestel dat dit as gevolgvan lae vlakke in Rand Water se Klipriviersberg-reservoir was, wat veroorsaak is deur die kragonderbreking by Rand Water se Zuikerbosch-watersuiweringsaanleg ná die storm op 19 September 2023.

Mchunu het gesê besluite wat van die vergadering geneem is, moet so gou moontlik geïmplementeer word.

‘ONS FOKUS OP DIE OPLOSSING VAN DIE PROBLEME’

“Ons moenie mense heeltyd aan emosionele stres onderwerp nie. Hou ons verantwoordelik omdat water ‘n sensitiewe en emosionele onderwerp is. Ons is daarop gefokus om die probleme op te los,” het Mchunu gesê.

LEES OOK: Uitvoerende hoof van Transnet Portia Derby bedank

Mchunu het verder gesê die kwessies wat uit die vergadering gekom het, sluit in aanspreeklikheid, waterverskuiwing, swak infrastruktuur, reservoirs en waterbesparing.

HULLE SAL VERSKUIWING INSTEL TODAT DIE STELSEL HERSTEL

Hy het bygevoeg dat Rand Water hom verseker het dat hulle vragverskuiwing sal doen vanaf ‘n lyn wat nie te besig is nie en na Palmiet sal herlei totdat die stelsel herstel en selfs hoogliggende gebiede kan voorsien.

“Ons gaan waterverskuiwing instel as ’n tussentydse maatreël. Tegnici sal die stelsel 24/7 monitor terwyl ons water van stelsels na stelsels verskuif,” het Mchunu verduidelik.

HOE SAL WATERVERSKUIWING WERK?

Die Minister het ‘n beroep op Rand Water gedoen om ‘n vasgestelde tydlyn te hê vir wanneer die ekstra 150 megaliter vanaf Stasie 5A beskikbaar gestel sal word.

Hy het gesê die Stad Johannesburg moet die proses begin om ou lekkende pype te vervang om te keer dat groot volume water verlore gaan as gevolg van lekkasies.

LEES OOK: Twee troetelkrokodille word in Krugersdorp vermis

“Waterverskuiwing is nie ’n permanente oplossing nie, so ons moet iets permanent doen om hierdie uitdaging aan te spreek. Ek ondersteun Joburg Water se inisiatief om ‘n tydelike pompstasie te bou om te help met die herstel van watertekorte.

“Joburg Water sal implementeringsplanne en tydraamwerke met betrekking tot die ontwikkeling van die put by die South Hills-toring deel,” het hy gesê.