‘n 11-Jarige kind is tydens plaasaanval doodgeskiet
Polisie sê ‘n 11-jarige kind is tydens ‘n plaasaanval naby Ficksburg doodgeskiet. Ses ander mense is beseer.
‘n 11-Jarige kind is tydens ‘n plaasaanval naby Ficksburg doodgeskiet.
TWEE GEWAPENDE MANS HET TOEGESLAAN OP DIE PLAAS
Volgens polisie woordvoerder adjunk offisier Mmako Mophiring het twee gewapende verdagtes omstreeks 21:50 by die Lonia Farm-distrik Ficksburg toegeslaan.
“Daar word beweer dat twee gewapende mans op 21 April 2024 omstreeks 21:50 by die Lonia Farm-distrik Ficksburg aangekom het en op die inwoners begin skiet sonder om ‘n woord te sê.”
het Mophiring gesê.
SONDER OM ‘N WOORD TE Sê HET DIE MANS GLO BEGIN SKIET
Mophiring het bygevoeg dat dié twee verdagtes te voet van die toneel gevlug het. ‘n Wegkom kar het glo gereed gestaan langs die R26-pad naby die plaas.
Lees ook: Twee onbekende liggame op N3 naby Harrismith gevind
Lede van die polisie en noodpersoneel het met hulle aankoms by die toneel ontdek dat ‘n 11-jarige minderjarige in die maag geskiet is. Die kind is op die toneel dood verklaar.
DIE 11-JARIGE KIND IS IN DIE MAAG GESKIET
“Nog ses ander mans en vroue is ook in die skietery beseer en na ‘n plaaslike hospitaal gehaas vir verdere mediese behandeling.”
Volgens Mophiring is die motief agter die skietery is nog nie bekend nie.
HET JY ENIGE INLIGTING WAT DIE POLISIE KAN HELP?
Polisie ondersoek ‘n saak van moord en ses sake van poging tot moord.
Enige persoon met inligting wat kan lei tot arrestasies en skuldigbevinding van die verdagtes kan Ficksburg-speurder, kaptein Lebakeng by 079 897 7144, Crime Stop 08600 10111, MySapsApp kontak.
Verlede jaar is ʼn 14-jarige seun ook tydens ʼn aanval op ʼn plaas in Bapsfontein, Gauteng, geskiet.
Hy het in die hospitaal aan sy beserings beswyk. Llewellyn Hemmens, AfriForum se streekshoof vir veiligheid in die Noordstreek, sê rowers het die middag omstreeks 13:00 toegeslaan.
VERLEDE JAAR IS ‘N 13-JARIGE SEUN OOK TYDENS PLAASAANVAL DOODGESKIET
“Vyf swaar gewapende mans het met twee voertuie, ʼn swart Mazda 3 met ʼn Mosambiekse nommerplaat en ʼn wit BMW 1-reeks, opgedaag. Hulle het van daar af in die huis inbeweeg.”
Die mans het op die 14-jarige seun in die huis afgekom en hom met ʼn vuurwapen geskiet.
DIE SEUN WAS SAAM MET SY MA IN DIE HUIS
“Werkers het gesê hulle het drie skote gehoor, maar dit is nog nie bekend hoeveel keer die seun geskiet is nie.”
Die seun was saam met sy ma in die huis. Sy is ongedeer
Die Suid-Afrikaner is opsoek na joernaliste …. Indien jy belangstel stuur asb. ‘n e-pos aan info@thesouthafrican.com of WhatsApp ons op 060 011 0211.
